前晚成龙同导演唐季礼、金喜善出席《第十届釜山电影节》系露天广场举行0左大型重点活动「Open Cinema」，5,000张门券一早沽清，成龙好友李炳宪亦有到场，两人一见面就拥抱，成龙更因李炳宪畀面睇足全场《神话》，而留低陪佢。

　　而成龙上个月率领一班女星出席上海《成龙杯》，诸事姐知道有主办单位对呢股明星赛车热好有兴趣，仲请埋成龙呢个月十六号去上海《世界F1方程式大赛》做开幕嘉宾，听闻呢个比赛相当劲，好多世界各地方程式赛车高手都会出现，系赛道上一决高下，赛事仲会全球直播，搞到诸事姐都好鬼紧张。虽然成龙好钟意赛车，但佢多数都系做搞手，好少落场，大会为0左令成龙有赛车意欲，谂住搵欧洲车厂帮佢度身订造一部方程式赛车畀佢落场；大会亦希望以成龙0既号召力，令更多艺人名人加入方程式行列。香港方程式赛车发展有限公司总裁透露，希望房祖名会成为未来赛车巨星，仲愿意赞助佢去上海赛车训练学校添！